Lausnarorðið er frelsi

Varðhundar frelsisins

Í aðdraganda alþingiskosninga er mikilvægt að rödd frjálshyggjunnar (og skynseminnar) ómi hátt og snjallt í þjóðfélagsumræðunni. Sjálfstæðisflokknum, sem á vordögum mun umbreytast í sykurhúðaðan sósialistaflokk, er ekki treystandi fyrir því hlutverki og er mikilvægt að hann, jafnt sem aðrir ríkisstyrktir stjórnmálaflokkar, fái málefnalegt aðhald frá grasrótarhreyfingu frjálshyggjumanna. 

Varðhundar frelsisins munu standa vaktina á öldum internetsins og verja frelsi einstaklingsins í hvívetna, landsmönnum öllum til góða. Að síðunni standa 7 frjálshyggjumenn á aldrinum 22ja til 32ja ára, búsettir á Íslandi, í Bandaríkjunum og í Noregi. Séu einhverjar athugasemdir við innihald síðunnar eða vilji til að hafa samband við aðstandendur hennar (t.d. til fyrirlestra um frjálshyggjuna) er hægt að hafa samband á frelsid@gmail.com.