Frelsi til að totta

Morgunblaðið gerir það að sérstöku umtalsefni sínu að rokkarinn geðþekki Tommy Lee sjúgi tær kven- og karlmanna. Varðhundar frelsisins þakka fyrir þessa ágætu fréttaskýringu. Hins vegar er með henni ýjað að því að mönnum sé ekki frjálst að totta tær. Vill Morgunblaðið koma á einhvers konar stofnun sem úthlutar leyfum til að totta tær? Á að miðstýra fólki þannig að því sé sagt hvað það á að totta og hvað ekki?

Auðvitað má Tommy totta. Um það snýst frelsið.


mbl.is Tommy tottar tær
Tilkynna um óviðeigandi tengingu við frétt

Kommúnistar

Varðhundar frelsisins fá óbragð í munninn þegar þeir lesa svona fréttir. Erkikomminn Jakob Gjaldmann og Skalla-Sósíalistinn Ómar eru að stofna einhvern umhverfishippaflokk. Ekki bætir úr skák þegar sameignarsinninn Margrét bætist við og tekur til við að svipta kvótahafa þeirra auðlindum.

Enn þurfa Varðhundar frelsisins að bíða eftir að sannir frjálshyggjumenn komist á þing. Menn sem vilja einkarekstur í heilbrigðis, mennta- og umhverfismálum. Við skorum á alla sanna frjálhyggjumenn að láta til sín taka, ef þeir hafa kjark til.

Sjálfstæðisflokkurinn er orðinn úldið hræ.


mbl.is Ómar formaður og Margrét varaformaður Íslandshreyfingarinnar
Tilkynna um óviðeigandi tengingu við frétt

Ægisvald sósíalismans

Varðhundar frelsisins reka upp stór augu þegar svona lagað gerist. Auðvitað er framtakið krúttlegt og allt það. En að ala börn upp frá æsku með það fyrir augum að ríkisspítalar séu allra meina bót og sósíalisminn komi alltaf til bjargar - það er bara innræting.

Látum ekki áróður um algóða ríkisspítala spilla börnunum okkar! Einkaframtakið á að vera í fyrirrúmi! 


mbl.is Veikir bangsar fá bót meina sinna
Tilkynna um óviðeigandi tengingu við frétt

Óafsakanleg ríkisafskipti! Hneisa!

Varðhundar frelsisins froðufella nánast af reiði út af Geir Heimskommúnista Haarde! Yfirboðarinn hefur ákveðið að spandera skattfé okkar í lén!

Lén.

Ekki er öll vitleysan eins. Hvað næst? Kaupir Geir myndapláss á flickr.com? Kommentakerfi hjá Haloscan? Hönnun á MySpace síðu? Niðurhalsaðgang á Tónlist.is?

Varðhundar frelsisins harma þá hneisu að forsætisráðherrann eyði skattfé okkar í internetsýndarmennsku. Lén eiga að ganga kaupum og sölum á hinum frjálsa markaði! Netvistun ehf. á allt hrós skilið fyrir að standa upp í hárinu á ráðstjórnarsinnanum og velferðarnorsaranum Haarde. Burt með hann. 


mbl.is Netvistun á „Ísland“ en forsætisráðuneytið „Island“
Tilkynna um óviðeigandi tengingu við frétt

Sjálfstæðis-sósíalistar

Enn spanderar Sjálfstæðis-sósíalistaflokkurinn peningunum okkar í vitleysu. Varðhundar frelsisins hafa ítrekað talað fyrir því að fólk fái að velja sér eigin menningu. Af hverju eru sjálfstæðismenn að þröngva upp á okkur fréttatímum, táknmálsfréttum og umræðuþáttum? Hvað þá Taggart og That 70's show? Hvernig væri nú að leggja niður þetta blessaða Ríkissósíalistaútvarp og leyfa okkur að stofna okkar eigin fréttastofur? Gera okkar eigin spennuþætti?

Jah, við spyrjum. 


mbl.is Nýr þjónustusamningur gerður við Ríkisútvarpið
Tilkynna um óviðeigandi tengingu við frétt

Hryðjuverk vopnafemínista

Dæmigert af þessum femínasistum að reyna að koma sínum ógeðslega áróðri áfram á þennan hátt. Þetta eru hryðjuverkamenn, ekkert annað.

Varðhundar frelsisins hafa lengi talað gegn femínistunum. Baráttunni gegn þeim er ekki lokið. Ekki séns.


mbl.is Litla hafmeyjan máluð bleik
Tilkynna um óviðeigandi tengingu við frétt

Stalinísk ritskoðun

Viðurstyggilegar tilraunir Associated Press til að svipta almenning upplýsingum um einn af sínum dáðustu skemmtikröftum hafa brotlent harkalega. Varðhundar frelsisins harma að hinn frjálsi markaður skuli með þessu hafa vera misnotaður í þágu annarlegra sjónarmiða í heila viku og beina þeim tilmælum til fjölmiðla nær og fjær að láta þetta aldrei aftur gerast. Fyrir þá sem óttast ranga upplýsingagjöf hinna sósíalísku evrópsku fréttamiðla er bent á afbragðsmiðilinn Fox News, sem segir það eins og það er - alltaf og um öll mál. 
mbl.is AP hætti fréttaflutningi af Paris Hilton
Tilkynna um óviðeigandi tengingu við frétt

Óeðlileg afskipti

Hvað kemur það Alþjóðlegu lyfjaeftirlitssamtökunum við að fólk stundi frjáls viðskipti á netinu? Á ekki hver og einn einstaklingur að vera frjáls til að stunda viðskipti án afskipta ríkisins? Það finnst varðhundum frelsisins allavega.

Hin myndarlega Ana Carolina Reston fór því miður illa út úr sínum viðskiptum. En það er einfaldlega hennar val að kaupa ólögleg lyf ef hún telur sig hafa hag af því að grenna sig sakir starfsgreinar sinnar. Það kemur hreinlega ríkisvaldinu ekki neitt við.


mbl.is Varað við megrunarpillum
Tilkynna um óviðeigandi tengingu við frétt

Frelsi einstaklingsins

Vopnafemínistar og aðrir öfgamenn vilja sífellt reyna að stjórna því hvernig við lifum og setja okkur reglur, boð og bönn. Varðhundar frelsisins fagna því þegar fallegar konur eins og Helen Mirren taka sig til og virða reglur samfélagsins að vettugi með því að sleppa því að ganga í nærbuxum. Vilja ekki femínistarnir banna þetta, svona eins og þeir vilja banna allt kynlíf og að fólk sé fallegt? Meira bullið.

Frelsi einstaklingsins á ekki að setja nein takmörk og allir eiga að mega sleppa nærbuxum. Það er eitthvað sem femínasistarnir virðast aldrei skilja. Enda upp til hópa kellingar sem eru of ljótar til að nokkur vilji þær.

Það er bara þannig. 


mbl.is Nærhaldið fjarri á Óskarnum
Tilkynna um óviðeigandi tengingu við frétt

Kommúnisti

Varðhundar frelsisins eru miklir aðdáendur McDonalds keðjunnar. Ljúffengir og saðsamir borgarar á lágu verð - hin hreinasta afurð kapítalismans!

En nú eru blikur á lofti. Kommófasistinn Karl Bretaprins vill banna okkur að gæða okkur á borgurunum! Hann vill ríkisvæða keðjuna og gera uppskriftirnar verri. Hann vill neyða alla til að borða það sama í hvert mál og drepa fjölbreytnina sem McDonalds keðjan veitir okkur.

Látum ekki þennan kommóprins miðstýra okkur.


mbl.is Karl Bretaprins mælir með að McDonalds-staðir verði bannaðir
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband