Níðst á þeim efnuðu

Varðhundar frelsisins hafa lengið kunnað að meta framlag Parísar Hilton til hinna eðlu lista. Sjónvarpsþættir hennar höfðu mikið skemmtanagildi og koma hennar í heim tónlistarinnar var sem ferskur andblær inn í listgreinina. Einnig hefur útgáfa hennar á heimilismyndböndum vakið sérstaka lukku hundanna. Tounge

Telja varðhundarnir það dagljóst að öfund á ríkidæmi hinnar glæsilegu Hilton hefur rekið þennan skúnk áfram í að hrella hana. Hvenær ætla sósíalistar að læra að láta þá ríku, sem hafa stritað alla ævi við auðsöfnun, í friði og hætta að öfundast út í þá?

Enn slá vinstrimenn vindhögg! 


mbl.is Ölvaður gestur eyðilagði afmæli Parísar
Tilkynna um óviðeigandi tengingu við frétt

Umhverfishippar

Varðhundar frelsisins hlæja að aumkunarverðri stefnu kommógrænna bolsjévíka í umhverfismálum. Ef fólk hefur hag af að lifa í heimi án mengunar, þá mengar það einfaldlega ekki. Þessu hafa varðhundarnir oft vakið máls á.

Verst er þó þegar sósíalistarnir á Mogganum og í Sjálfstæðisflokknum gleypa við umhverfisblaðrinu eins og ekkert sé. Í gær birtir Mogginn til dæmis grænan sjálfstæðisfálka á forsíðunni! Grænan! Ekki er öll vitleysan eins.

Nær væri fyrir flokkinn að fylgja fordæmi Illuga Gunnarssonar, forystumanns Sjálfstæðismanna í umhverfisumræðunni. Hann stendur að sjálfsögðu enn bjargfastur í þeirri trú að gróðurhúsaáhrifin séu ekki af mannavöldum, ólíkt því sem sumir meintir fagaðilar vilja meina. Illugi er helsta tromp sjálfstæðismanna í umhverfismálum og ber á vinstrimönnunum með sköruglegum málflutningi um meint „gróðurhúsaáhrif“.

Varðhundar frelsisins styðja Illuga í baráttunni. Áfram, Illugi, ekki láta sósíalgræningjana vaða yfir þig!


mbl.is VG vill veita Jafnréttisstofu auknar heimildir til eftirlits með fyrirtækjum
Tilkynna um óviðeigandi tengingu við frétt

Skattgreiðendur mjólkaðir og mjólkaðir

Undirbúningur varðhundanna fyrir góða helgi hefur orðið að engu í kjölfar þessarra viðurstyggilegu tíðinda. Enn og aftur stíga sósíalískir talsmenn sveitarfélaga fram á vettvang þjóðmálaumræðunnar og krefjast peninga - ,,meira, meira, við viljum pening" öskra þeir og krefjast þess að ríkiskrumlan haldi áfram að blóðmjólka spena skattgreiðenda. Í fjölmörg skipti hafa varðhundar frelsisins bent á augljósa kosti einkaframtaksins í vegamálum. Það er synd að heyrnarlausir ráðamenn nemi ekki voldugan óm sannra frjálshyggjumanna.

XXXXXXXXXXXXXXXXXXXXXXXXXXXXXXX

Varðhundar frelsisins eru ekki hégómagjarnir og hafa ekki verið mikið fyrir að benda á allar þær skjallsíður og -færslur sem sprottið hafa fram víðsvegar á alnetinu, þar sem málflutningi okkar er hampað. Ein slík birtist þó á vefriti sósíalkommúnista í dulargervi hægri-grænna-krata fyrr í vikunni þar sem ritstjóri vefritsins emiritus, einn efnilegasti rithöfundur okkar Íslendinga, hrósar glæsilegri baráttu okkar fyrir málstaðnum. Segir meðal annars í lofræðu hans:

Sá sem heldur á penna hins meinta frjálshyggjumans[sic] er greinilega enginn aukvisi þegar kemur að pólitískri hugmyndafræði, stílbrögðum eða áróðurstækni. Ef viðkomandi er ekki þegar kominn á kaf í pólitík þá væri hann klárlega hvalreki fyrir þann flokk sem nyti krafta hans.

Varðhundar frelsisins þakka hólið og heita því að bugast ekki undan mótlætinu. Eins og lesendur ritsins okkar vita hafa Morgunblaðsmenn lítinn áhuga á að veita okkur brautargengi hér á moggablogginu og var raunar allur kraftur úr varðhundunum. Til stóð að láta af hugsjónabaráttunni og finna henni annan farveg, en rithöfundurinn góði færði okkur þann innblástur sem þarf til að halda baráttunni áfram. Takk kæri vinur!


mbl.is Vilja að farið verði í vegaframkvæmdir fyrir 22 milljarða til ársins 2010
Tilkynna um óviðeigandi tengingu við frétt

Moggabloggið er fallið í vök

Enn einu sinni finna Varðhundar frelsisins sig knúna til að ávíta Moggabloggið fyrir að falsa aðsóknartölur.

Á listanum yfir vinsælustu blogg sitja Varðhundarnir einungis í 99. sæti. Þetta er að sjálfsögðu fullkomin vitleysa.

Samkvæmt nýjustu tölum okkar frá Freedom Report dot com á bloggið okkar mikinn hljómgrunn meðal lesenda Moggabloggsins og heimsækja það nánast jafn margir og blogg kommófemínistans Sóleyjar Tómasdóttur.

Moggabloggið vill þó með skoðanakúgun sinni þagga niður í okkur. Það mun ekki takast.

Varðhundar frelsisins krefjast þess að fá sinn réttmæta sess meðal valinna blogga og vinsælla svo að rödd frelsisins fái að óma! 


mbl.is Björgun úr vök æfð á Rauðavatni
Tilkynna um óviðeigandi tengingu við frétt

Alveg eins og SnowGathering

Alls staðar leynast duglausu „hægrimennirnir“.

Maður heldur að maður geti treyst öðrum, en svo kemst maður að því að engum má treysta nema sjálfum sér. Varðhundar frelsisins harma það að vikið hafi verið frá sprengingu þessa mikilvæga varnarvopns vegna kröfu „mótmælenda“ og „umhverfissinna“. Hvað kemur þetta þeim við? Er ekki frelsi fólks og lýðræðið miklu mikilvægara en svona þvæla?

Alveg eins var þessu háttað með SnowGathering hátíðina sem átti að halda í Reykjavík. Flúðu þá „hægrimennirnir“ Gísli Marteinn, Sigurður Kári, Pétur Blöndal og Bjarni Ben allir frá hólmi. Hvar eru alvöru frjálshyggjumennirnir sem hafa djörfung til að verja klámið? Hvar eru þeir sem þora að segja: „ég fíla þetta klám og vil fá það hingað til lands!“

Hugsið ykkur þann hagvöxt sem Ísland hefur orðið af vegna áróðurs úrtölumannanna. Hugsið ykkur þá varnarhagsmuni sem eru fyrir bí vegna þessar aðgerða í Bandaríkjunum.

Hvenær ætla hægrimenn að læra að virða þessi „mótmæli“ að vettugi? 


mbl.is Pentagon hættir við að sprengja risasprengju
Tilkynna um óviðeigandi tengingu við frétt

Heimdallur afneitar kenningum Milton Friedman!

Varðhundar frelsisins fagna því að að gríman sé fallin. Léttristuðu sósíalistarnir í áhöfn flaggskips úngliðahreyfingar Sjálfstæðisflokksins, Heimdallar, hafa nú loksins stigið skrefið til fulls og afneitað kenningum höfuðhugmyndafræðings frjálshyggjunnar, Milton Friedman. Gera þeir það í tengslum við ráðstefnu, sem haldin verður á morgun, um gæluverkefni Samfylkingarinnar - Evrópusambandið. Segir meðal annars í auglýsingu um ráðstefnuna:

Boðið [verður] upp á léttan hádegisverð

Þvílík og önnur eins hneisa. Eins og allir vita er ein af grundvallarkennisetningum Friedmans á þá leið að það sé ekki til neitt sem heiti ókeypis hádegisverður! Ganga ungsósíalistarnir hér gróflega í berhögg við viðteknar hugmyndir frjálshyggjunnar og storka þannig málstaðnum með afgerandi hætti. Nei, varðhundarnir geta ekki horft upp á þetta - síðasta vígið innan Sjálfstæðisflokksins er fallið!


mbl.is Magnús Þór væntanlega í framboð í Reykjavík
Tilkynna um óviðeigandi tengingu við frétt

Terroristar

Hryðjuverkamenn og kommúnistar í Arabíu eiga sér engar málsbætur. Þetta fólk hatast við frelsið og fyrirlítur rétt okkar til að lifa eftir því. Þess vegna ráðast líbanskir öfgamenn og íslamistar gegn flugvélum vina okkar í Ísrael, sem hafa ekkert sér til sakar unnið nema að fljúga um.

Gegn þessum öfgamönnum gildir ekkert nema harkan sjö. Varðhundar frelsisins hvetja stjórnvöld til að sinna sínu eina lögbundna hlutverki, að vernda öryggi borgaranna, og ganga í lið með frelsisöflunum sem hafa sýnt sig og sannað gegn hryðjuverkamönnunum. Fjöldi sigra USA-manna gegn þeim, í Afganistan, Írak, Palestínu og í heimalandinu, sýnir að þeim er treystandi til að taka að sér þetta æra verkefni fyrir alþjóðasamfélagið. Ríkisstjórnin hefur gert vel í fylgispekt við þá.

Látum ekki vopnaíslamistana sigra!


mbl.is Líbanski herinn skaut að ísraelskum flugvélum
Tilkynna um óviðeigandi tengingu við frétt

Alltaf þessi ríkisafskipti

Má ríkið ekkert frjálst sjá án þess að vilja krækja í það með sínum ríkisklóm? Ef einkaaðilar sjá sér hag í því að dæla upp olíu er þeim það að sjálfsögðu frjálst, svo framarlega sem þeir virða friðhelgi eignarréttarins. Varðhundar frelsisins eru á þeirri skoðun að okkar skattpeningar eigi að fara í eitthvað þarfara en að dæla upp olíu.

Til dæmis mætti bara setja þá aftur í okkar eigin vasa.


mbl.is Olíuleifum dælt úr Wilson Muuga
Tilkynna um óviðeigandi tengingu við frétt

Skoðanakúgun SósíalMoggans

Sumar skoðanir og hugsjónir þykja ekki fínar og flott. En það þýðir ekki að þær eigi ekki að fá að óma um allt samfélagið!

Við Varðhundar frelsisins vitum að við erum róttækir, enda hugsjónamenn. Skoðanir okkar eiga þó mikinn hljómgrunn meðal almennings og höfum við fengið fjöldan allan af tölvupósti þar sem okkur er hrósað fyrir vasklega framgöngu í frelsisbaráttunni. Netfang okkar er frelsid@gmail.com eins og áður hefur komið fram.

Nú er svo komið að samkvæmt aðskóknartölum Moggabloggsins er „Lausnarorðið er frelsi“ 59. vinsælasta bloggið. Þetta hefur tekist þrátt fyrir að sameignarsinnarnir á Mogganum vilji ekki setja okkur í dálkana „Vinsælustu blogg“ og „Valin blogg“. Þar fá hins vegar kommúnistar eins og Andrea Ólafsdóttir (105. vinsælasta bloggið) og Árni Þór Sigurðsson (118. vinsælasta bloggið) að dvelja.

Nú krefjumst við svara, sérstaklega þar sem félagar okkar hjá Freedom Report dot com hafa fært okkur sönnur fyrir því að bloggið okkar sé enn vinsælla en þetta og að Mogginn hafi falsað aðsóknartölur. Þær séu í raun margfalt hærri.

Af hverju vilja Moggamenn ekki leyfa frelsisröddinni að óma? Skelfa þeirra sósíalísku sálir af ótta við hinn sanna boðskap?

Ekki er öll vitleysan eins. 


Vilja vinstrimenn setja lög um snoðanir?

Lost in an image, in a dream
But there's no one there to wake her up
And the world is spinning, and she keeps on winning
But tell me what happens when it stops?

Varðhundar frelsisins harma þrálátt einelti hinna vinstrisinnuðu fjölmiðla á Britney Spears, mörgföldum verðlaunahafa í flokki söng- og dansatriða víðsvegar um heiminn. Alræðissinnaðir sósíalistar hafa nú gert aðsúg að hárgreiðslukonunni sem lagaði lokkana til og vilja sennilega að hún fái að dúsa í fangelsi fyrir athæfið (með vísan í hvaða lög?????). Þrælslund fjölmiðlanna gagnvart öfgasinnuðum femi-hryðjuverkamönnum fær þá svo til að apa alla þvæluna upp eftir þeim. Varðhundarnir harma þessa atburðarrás og trúa því staðfastlega að hinn frjálsi markaður muni greiða úr þessari flækju sem fyrst.

Isn't she lucky, this Hollywood girl?
She is so lucky, but why does she cry?
If there's nothing missing in her life
Why do tears come at night?


mbl.is Hárgreiðslukona firrir sig ábyrgð á klippingu Britneyjar
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband